corona : प्रदेस म आज होय हे कोरोना के 26 नवा मरीज के पहिचान, रईपुर म घलो 2 पॉजिटिव

जय जोहार… (corona) प्रदेस म आज कोरोना के 26 नवा मरीज के पहिचान होय हे। उहें 23 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे।

प्रदेस म आज जेन कोरोना (corona) के नवा मरीज मिले हे, ओमा दुर्ग ले 2, राजनांदगांव ले 2, बालोद ले 1, रईपुर ले 2, महासमुंद ले 4, गरियाबंद ले 2, बिलासपुर ले 3, रायगढ़ ले 1, कोरबा ले 2, जांजगीर -चांपा ले 2,जशपुर ले 1, कोंडागाँव ले 2, कांकेर ले 2 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 10 लाख 05 हजार 146 हो गे हे, जेमा ले 300 एक्टिव मामला हे। उहें 9 लाख 91 हजार 283 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13563 मरीज के जान चले गे हे।