corona : प्रदेस म आज मिले हे कोरोना के 26 नवा मरीज, रईपुर म घलो 6 पॉजिटिव

जय जोहार… (corona) प्रदेस म आज कोरोना के 26 नवा मरीज सामने आय हे। उहें 11 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गेहे। जबकि उपचार के दउरान 1 मरीज के जान चले गेहे।

प्रदेस म आज जेन कोरोना (corona) के नवा मरीज मिले हे, ओमा दुर्ग ले 5, बेमेतरा ले 1, रईपुर ले 6, धमतरी ले 1, गरियाबंद ले 1, बिलासपुर ले 1, रायगढ़ ले 2, कोरबा ले 1, जांजगीर-चांपा ले 3, मुंगेली ले 1, कोरिया ले 1, जशपुर ले 1, दंतेवाड़ा ले 2 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 10 लाख 06 हजार 459 हो गे हे, जेमा ले 272 एक्टिव मामला हे। उहें 9 लाख 92 हजार 596 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13591 मरीज के जान चले गेहे।