corona : प्रदेस म आज मिले हे कोरोना के 26 नवा केस, रईपुर म घलो 3 पॉजिटिव

जय जोहार… (corona) प्रदेस म आज कोरोना के 26 नवा मरीज के पहिचान होय हे। उहें 33 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे।

प्रदेस म आज जेन कोरोना (corona) के नवा मरीज मिले हे, ओमा दुर्ग ले 6 , बालोद ले 2, रायपुर ले 3 , धमतरी ले 1, महासमुंद ले 1, बिलासपुर ले 1, कोरबा ले 2, जांजगीर-चांपा ले 6, जशपुर ले 2, कोंडागांव ले 1, बीजापुर ले 1 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 10 लाख 05 हजार 202 हो गे हे, जेमा ले 300 एक्टिव मामला हे। उहें 9 लाख 91 हजार 339 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13563 मरीज के जान चले गे हे।