corona : प्रदेस म आज सामने आय हे कोरोना के 26 नवा मरीज, रईपुर म घलो 11 पॉजिटिव

जय जोहार… (corona) प्रदेस म आज कोरोना के 26 नवा मरीज सामने आय हे। उहें 33 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे।

प्रदेस म आज जेन कोरोना (corona) के नवा मरीज मिले हे, ओमा दुर्ग ले 2, रईपुर ले 11, रायगढ़ ले 1, कोरबा ले 3, जांजगीर-चांपा ले 1, जशपुर ले 2, दंतेवाड़ा ले 1, सुकमा ले 2, कांकेर ले 1 अउ दूसर राज्य ले 2 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 10 लाख 06 हजार 271 हो गे हे, जेमा ले 216 एक्टिव मामला हे। उहें 9 लाख 92 हजार 468 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13587 मरीज के जान चले गेहे।