जय जोहार…. (corona) छत्तीसगढ़ म पिछिले 24 घंटा म कोरोना के 260 नवा मरीज सामने आय हे। उहचे 297 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 2 लोगन मन के मौत हो गे हे।
बीते 24 घंटा म कोरोना (corona) के जेन नवा मरीज मिले हे, ओमा रायपुर ले 87, बिलासपुर ले 36, दुर्ग ले 28, कोरबा ले 23, धमतरी ले 14, रायगढ़ ले 11, बलौदाबाजार अऊ राजनांदगांव ले 7-7, महासमुंद ले 6, सूरजपुर, जशपुर अऊ बस्तर ले 5-5, जांजगीर-चांपा अऊ सरगुजा ले 4-4, कांकेर, गरियाबंद, बेमेतरा अऊ बालोद ले 3-3 मरीज सामिल हे।
बता देन कि प्रदेश म कोरोना (corona) संक्रमित मन के संख्या ह 3 लाख 07 हजार 339 हो गे हे। जेमा ले 4320 एक्टिव मामला हे। उहचे 2 लाख 99 हजार 284 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 3735 लोगन मन के मौत हो गे हे।
Other Articles
BJP पिछड़ा वर्ग मोर्चा के प्रदेश कार्यसमिति हो गे घोसित, पढ़व पूरा खबर
No Comment! Be the first one.