Corona: प्रदेश म बीते 24 घंटा म सामने आय हे 2610 नवा मरीज, पढ़ो पूरा खबर

जय जोहार…. प्रदेश म बीते 24 घंटा म कोरोना (Corona) के 2610 नवा मामला मिले हे। उहचे 505 मरीज मन ल बने होय के बाद अस्पताल ले छुट्टी दे दे गे हे। जबकि इलाज के दौरान 15 लोगन मन के मौत हो गे हे।

सनिच्चर के जेन कोरोना (Corona) के नवा मरीज मिले हे, ओमा रायपुर ले 308, दुर्ग ले 234, रायगढ़ ले 219, जांजगीर ले 174, बिलासपुर ले 149, बस्तर ले 123, राजनांदगांव ले 109, कोरिया ले 104, दंतेवाड़ा ले 101, धमतरी ले 65 मरीज शामिल हे।

बता दन कि प्रदेश म कोरोना (Corona) संक्रमित मन के संख्या ह बाढ़ के 121400 पहुंच गे हे। जेमा ले 29292 एक्टिव मामला हे। उहचे 91077 लोगन मन ह बने होय के बाद अपन घर लहुट चुके हे। ए वायरस ले प्रदेश म अब तक 1031 लोगन मन के मौत हो गे हे।