corona: प्रदेश म पिछिले 24 घंटा म बाढ़ गे 2619 नवा मामला, राजधानी म घलो 339 पाजिटिव
जय जोहार…. प्रदेश म बीते 24 घंटा म कोरोना (corona) के 2619 नवा मामला के पहचान होय हे। उहचे 423 मरीज मन ह अस्पताल अऊ 1918 ल होम आइसोलेशन ले डिस्चार्ज कर दे गे हे। जबकि इलाज के दौरान 9 लोगन मन के मौत हो गे हे।
प्रदेश म मंगलवार के जेन कोरोना (corona) के नवा मरीज मिले हे, ओमा रायपुर ले 339, कोरबा ले 202, जांजगीर अऊ दुर्ग ले 195-195, रायगढ़ ले 189, बिलासपुर अऊ राजनांदगांव ले 146-146, बस्तर ले 101, बालोद ले 80, बेमेतरा ले 34, कबीरधाम ले 68, धमतरी ले 80, बलौदबाजार ले 69, महासमुंद ले 94, गरियाबंद ले 30, मुंगेली ले 29, जीपीएम ले 27, सरगुजा ले 94, कोरिया ले 54, सूरजपुर ले 58, बलारमपुर ले 43, जशपुर ले 22, कोंडागांव ले 55, दंतेवाड़ा ले 68, सुकमा ले 42, कांकेर ले 91, नारायणपुर ले 9, बीजापुर ले 55 नवा मरीज शामिल हे।
बता दन कि प्रदेश म कोरोना (corona) संक्रमण के मामला ह बाढ़ के 147866 पहुंच गे हे। जेमा ले 27210 एक्टिव मामला हे। उहचे 119350 लोगन मन ल बने होय के बाद अस्पताल ले डिस्चार्ज कर दे गे हे। ए वायरस से प्रदेश म 1306 लोगन मन के मौत हो गे हे।
