corona : प्रदेस म 24 घंटा म सामने आय हे कोरोना के 264 नवा मरीज, रईपुर म घलो 38 संक्रमित
जय जोहार… (corona) प्रदेस म बीते 24 घंटा म कोरोना के 264 नवा मरीज सामने आय हे। उहें 780 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गेहे। जबकि उपचार के दउरान 1 मरीज के मउत हो गेहे।
प्रदेस म जेन कोरोना (corona) के नवा मरीज मिले हे, ओमा दुर्ग ले 10, राजनांदगांव ले 11, बालोद ले 1, बेमेतरा ले 51, कबीरधाम ले 6, रईपुर ले 38, धमतरी ले 3, बलौदाबाजार ले 10, महासमुंद ले 10, गरियाबंद ले 1, बिलासपुर ले 14, रायगढ़ ले 9, कोरबा ले 13, जांजगीर-चांपा ले 4, मुंगेली ले 6, सरगुजा ले 8, कोरिया ले 9, सूरजपुर ले 14, बलरामपुर ले 15, जशपुर ले 3, बस्तर ले 7, कोंडागांव ले 8, कांकेर ले 11, बीजापुर ले 2 नवा मरीज सामिल हे।
बता देन कि प्रदेस म कोरोना (corona) संक्रमित मरीज मन के संख्या 11 लाख 49 हजार 666 होगे हे, जेमा ले 2887 एक्टिव मामला हे। उहें 11 लाख 32 हजार 757 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 14022 मरीज के जान चले गेहे।
