Corona: प्रदेश म पिछिले 24 घंटा म सामने आय हे 2681 नवा मामला, राजधानी म घलो 270 पाजिटिव

जय जोहार…. प्रदेश म कोरोना (corona) संक्रमित मरीज मन के संख्या ह कम होय के नाम नई लेवत हे। प्रदेश म पिछिले 24 घंटा म कोरोना के 2681 नवा मरीज ह सामने आय हे। उहचे 564 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 13 मरीज मन के मौत हो गे हे।

सोमवार के जेन कोरोना (corona) के नवा मरीज मिले हे, ओमा रायपुर ले 270, दुर्ग ले 266, राजनांदगांव ले 254, रायगढ़ ले 187, जांजगीर ले 182, कोरबा ले 174, बिलासपुर ले 129, बीजापुर ले 129, बस्तर ले 109, बलौदाबाजार ले 87, कांकेर ले 85, सरगुजा ले 78, महासमुंद ले 77, सूरजपुर ले 68, दंतेवाड़ा ले 55, बालोद ले 55, धमतरी ले 53, कोरिया ले 52, बलरामपुर ले 52, गरियाबंद ले 49, सुकमा ले 48, कवर्धा ले 44, कोंडागांव ले 42, बेमेतरा ले 42, मुंगेली ले 32, नारायणपुर ले 25, जशपुर ले 22, गौरेला-पेंड्रा-मरवाही ले 12 अऊ आन राज्य ले 3 मरीज शामिल हे।

बता दन कि प्रदेश म कोरोना (corona) संक्रमित मन के संख्या ह बाढ़ के 126005 पहुंच गे हे। जेमा ले 27857 एक्टिव मामला हे। उहचे 97067 लोगन मन ल बने होय के बाद अस्पताल ले डिस्चार्ज कर दे गे हे। ए वायरस ले प्रदेश म अब तक 1081 लोगन मन के मौत हो गे हे।