corona : प्रदेस म आज मिले हे कोरोना के 27 नवा मरीज, 1 संक्रमित के होगे मउत

जय जोहार… (corona) प्रदेस म आज कोरोना के 27 नवा मरीज सामने आय हे। उहें 60 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दउरान 1 मरीज के मउत हो गेहे।

प्रदेस म आज जेन कोरोना (corona) के नवा मरीज मिले हे, ओमा दुर्ग ले 3, रईपुर ले 1, महासमुंद ले 2, रायगढ़ ले 2, कोरबा ले 1, जांजगीर-चांपा ले 3, सरगुजा ले 3, कोरिया ले 2, जशपुर ले 1, बस्तर ले 3, दंतेवाड़ा ले 1, सुकमा ले 1, कांकेर ले 2, बीजापुर ले 2 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 10 लाख 04 हजार 144 हो गे हे, जेमा ले 863 एक्टिव मामला हे। उहें 9 लाख 89 हजार 728 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13553 मरीज के जान चले गे हे।