corona : प्रदेस म आज सामने आय हे कोरोना के 27 नवा मामला, 1 मरीज के होगे मउत

जय जोहार… (corona) प्रदेस म आज कोरोना के 27 नवा मरीज के पहिचान होय हे। उहें 32 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दौरान 1 मरीज के जान चले गेहे।

प्रदेस म आज जेन कोरोना (corona) के नवा मरीज मिले हे, ओमा दुर्ग ले 2 , राजनांदगांव ले 1, बालोद ले 1, रायपुर ले 1, बलौदाबाजार ले 1, बिलासपुर ले 4, रायगढ़ ले 2, कोरबा ले 3, जांजगीर-चांपा ले 1, मुंगेली ले 1, सूरजपुर ले 1, जशपुर ले 2, दंतेवाड़ा ले 3, सुकमा ले 3, कांकेर ले 1 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 10 लाख 05 हजार 229 हो गे हे, जेमा ले 294 एक्टिव मामला हे। उहें 9 लाख 91 हजार 371 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13564 मरीज के जान चले गे हे।