corona : प्रदेस म आज मिले हे कोरोना के 27 नवा मरीज, पढ़व

जय जोहार… (corona) प्रदेस म आज कोरोना के 27 नवा मरीज के पहिचान होय हे। उहें 30 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे।

प्रदेस म आज जेन कोरोना (corona) के नवा मरीज मिले हे, ओमा दुर्ग ले 1, बेमेतरा ले 1, रईपुर ले 2, बिलासपुर ले 3, रायगढ़ ले 4, कोरबा ले 3, जांजगीर-चांपा ले 5, मुंगेली ले 1, सूरजपुर ले 2, जशपुर ले 1, बस्तर ले 1, दंतेवाड़ा ले 1, सुकमा ले 1, कांकेर ले 1 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 10 लाख 05 हजार 269 हो गे हे, जेमा ले 282 एक्टिव मामला हे। उहें 9 लाख 91 हजार 423 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13564 मरीज के जान चले गे हे।