corona: प्रदेश म बीते 24 घंटा म होय हे कोरोना के 274 नवा मामला के पहचान, रायपुर म घलो 67 पाजिटिव

जय जोहार…. (Corona) प्रदेश म पिछिले 24 घंटा म कोरोना के 274 नवा मामला के पहचान होय हे। उहचे 224 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 2 संक्रमित के मौत हो गे हे।

पिछले 24 घंटा म कोरोना (Corona) के जेन नवा मरीज मिले हे, ओमा रायपुर ले 67, दुर्ग ले 50, बिलासपुर ले 29, कोरबा अऊ जशपुर ले 13-13, कोरिया अऊ बस्तर ले 10-10, राजनांदगांव, जांजगीर-चांपा अऊ सरगुजा ले 9-9, बलौदाबाजार ले 7, गरियाबंद अऊ कांकेर ले 6-6, मुंगेली अऊ धमतरी ले 5-5 मरीज सामिल हे।

बता देन कि प्रदेश म कोरोना (Corona) संक्रमण के मामला ह 3 लाख 11हजार 433 हो गे हे। जेमा ले 2977 एक्टिव मामला हे। उहचे 3 लाख 04 हजार 647 लोगन मन ल बने होय के बाद अस्पताल ले छुट्टी दे दे गे हे। ए वायरस ले प्रदेश म अब तक 3809 संक्रमित मन के जान चले गे हे।