corona: प्रदेश म पिछले 24 घंटा म सामने आय हे कोरोना के 274 नवा मरीज, रायपुर म घलो 98 पाजिटिव
जय जोहार…. प्रदेश म बीते 24 घंटा म कोरोना (corona) के 274 नवा मामला मिले हे। उहचे 217 मरीज ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 3 मरीज के मौत हो गे हे।
बीते 24 घंटा म कोरोना (corona) के जेन नवा मरीज मिले हे, ओमा रायपुर ले 98, दुर्ग ले 41, राजनांदगांव ले 20, कोरबा ले 14, बिलासपुर अऊ सरगुजा ले 13-13, जशपुर ले 9, बेमेतरा ले 8, महासमुंद, रायगढ़ अऊ कोरिया ले 7-7, कांकेर ले 6, धमतरी, जांजगीर-चांपा अऊ गौरेला-पेंड्रा-मरवाही ले 5-5, सूरजपुर ले 4, बस्तर अऊ बलरामपुर ले 3-3, बलौदाबाजार अऊ मुंगेली ले 2-2, बालोद अऊ कबीरधाम ले 1-1 मरीज सामिल हे।
बता देन कि प्रदेश म कोरोना (corona) संक्रमण के मामला ह बाढ़ के 3 लाख 13 हजार 808 हो गे हे। जेमा ले 2816 एक्टिव मामला हे। उहचे 3 लाख 07 हजार 138 लोगन मन ल बने होय के बाद अस्पताल ले छुट्टी दे दे गे हे। ए वायरस ले प्रदेश में अब तक 3854 लोगन मन के जान चले गे हे।
