Corona: प्रदेश में पिछिले 24 घंटा म होय हे कोरोना के 279 नवा मामला के पहचान, रायपुर म घलो 59 पाजिटिव

जय जोहार…. (Corona) प्रदेश म बीते 24 घंटा म कोरोना के 279 नवा मरीज सामने आय हे। उहचे 192 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 6 संक्रमित के मौत हो गे हे।

बीते 24 घंटा म कोरोना (Corona) के जेन नवा मरीज मिले हे, ओमा दुर्ग ले 62, रायपुर ले 59, बिलासपुर ले 24, कोरिया ले 22, सरगुजा अऊ जशपुर से 17-17, राजनांदगांव ले 12, धमतरी ले 10, महासमुंद ले 9, कोरबा अऊ सूरजपुर ले 6-6, गरियाबंद अऊ गौरेला-पेंड्रा-मरवाही ले 4-4, कबीरधाम, जांजगीर-चांपा, बस्तर अऊ कांकेर ले 3-3, बेमेतरा अऊ बलरामपुर से 2-2, बालोद, बलौदाबाजार, मुंगेली, कोंडागांव, दंतेवाड़ा अऊ सुकमा ले 1-1 मरीज सामिल हे।

बता देन कि प्रदेश म कोरोना (Corona) संक्रमण के मामला ह 3 लाख 12 हजार 179 हो गे हे। जेमा ले 2827 एक्टिव मामला हे। उहचे 3 लाख 05 हजार 524 लोगन मन ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 3828 मरीज मन के मौत हो गे हे।