corona : देस म 24 घंटा म सामने आय हे कोरोना के 28 हजार ले जादा नवा मामला

जय जोहार…. देस म पिछले 24 घंटा म कोरोना (corona ) के 28 हजार ले जादा नवा मरीज सामने आय हे। उहें 82 हजार 916 मरीज ल बने होय के बाद अस्पताल ले छुट्टी दे दे गेहे। जबकि उपचार के दउरान 513 मरीज के मउत हो गेहे।

केंद्रीय स्वास्थ्य मंत्रालय डहार ले जारी आंकड़ा के मुताबिक देस म पिछले 24 घटा म कोरोना (corona ) के 28 हजार 918 नवा मामला मिले हे। एला मिलाके देस म कोरोना मरीज मन के संख्या ह 4 करोड़ 27 लाख ले जादा हो गेहे। जेमा ले 3 लाख 61 हजार ले जादा एक्टिव मामला हे।

उहें 4 करोड़ 18 लाख ले जादा मरीज ह कोरोना (corona ) ल मात दे दे हे, जेखर बाद ओ मन न अस्पताल ले डिस्चार्ज कर दे गेहे। ए वायरस ले देस म अब तक 5 लाख 09 हजार ले जादा के मउत हो गेहे।