Corona : प्रदेश म कोरोना के होय हे 280 नवा मरीज के पहचान, रायपुर म घलो 106 पाजिटिव

जय जोहार…. राज्य म कोरोना (corona) संक्रमित मरीज मन के संख्या ह कम होय के नाम नई लेवत हे। आज प्रदेश म कोरोना के 280 नवा मामला सामने आय हे।

उहचे 357 मरीज मन ह कोरोना ले जंग जीत गे हे, जेखर बाद ओ मन ल अलग-अलग कोविड अस्पताल ले डिस्चार्ज कर दे गे हे। जबकि 8 मरीज के मौत हो गे हे।

आज जेन कोरोना (corona) के नवा मरीज मिले हे, ओमा रायपुर ले 106, दुर्ग ले 42, बस्तर ले 37, बलरामपुर अउ कोण्डागांव ले 25-25, सूरजपुर ले 9, रायगढ़ ले 6, राजनांदगांव अउ महासमुंद ले 5-5, बिलासपुर अउ कांकेर ले 4-4, कबीरधाम, बलौदाबाजार, जांजगीर-चांपा अउ कोरिया ले 2-2, धमतरी, जशपुर, नारायणपुर अउ बीजापुर ले 1-1 मरीज शामिल हे।

बता देन कि प्रदेश म कोरोना (corona) संक्रमित मरीज मन के कुल संख्या ह 10109 पहुंच गे हे। जेमा ले 2427 एक्टिव मामला हे।

उहचे 7613 मरीज मन ल बने होय के बाद अस्पताल ले छुट्टी दे दे गे हे। ए वायरस ले प्रदेश म अब तक 69 लोगन मन के मौत हो गे हे।