Corona: प्रदेश म बीते 24 घंटा म बाढ़ गे 2830 नवा मरीज, राजधानी म घलो 256 पाजिटिव, पढो पूरा खबर

जय जोहार…. छत्तीसगढ़ म पिछिले 24 घंटा म कोरोना (Corona) के 2830 नवा मामला सामने आय हे। उहचे 543 मरीज मन ल अस्पताल अऊ 1243 ल होम आइसोलेशन ले डिस्चार्ज कर दे गे हे। जबकि इलाज के दौरान 16 लोगन मन के मौत हो गे हे।

बुधवार के जेन कोरोना (Corona) के नवा मरीज मिले हे, ओमा कोरबा ले 272, जांजगीर ले 257, रायपुर ले 256, रायगढ़ ले 226, राजनांदगांव ले 185, बिलासपुर ले 139, बस्तर ले 134, सरगुजा ले 127, दुर्ग ले 115, कबीरधाम ले 91, दंतेवाड़ा ले 90, बालोद, बलौदाबाजार, कोंडागांव अऊ सुकमा ले 86-86, धमतरी ले 82, मुंगेली ले 76, सूरजपुर ले 72, कांकेर ले 71, महासमुंद ले 54, कोरिया ले 51, गरियाबंद ले 47, बलरामपुर ले 42, बेमेतरा ले 33, बीजापुर ले 32, जशपुर ले 18, गौरेला-पेंड्रा-मरवाही ले 5 मरीज शामिल हे।

बता दन कि प्रदेश म कोरोना (Corona) संक्रमण के मामला ह बाढ़ के 150696 पहुंच गे हे। जेमा ले 27809 एक्टिव मामला हे। उहचे 121548 लोगन मन ह कोरोना ल मात दे दे हे, जेखर बाद ओ मन ल अस्पताल ले छुट्टी दे दे गे हे। ए वायरस ले प्रदेश म 1339 लोगन मन के मौत हो गे हे।