Corona: प्रदेश म पिछिले 24 घंटा म बाढ़ गे 2873 नवा मामला, 8 लोगन मन के हो गे मौत
जय जोहार…. प्रदेश म बीते 24 घंटा म कोरोना (Corona) के 2873 नवा मरीज के पहचान होय हे। जबकि 485 लोगन मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 8 संक्रमित मन के मौत हो गे हे।
गुरुवार के जेन कोरोना (Corona) के नवा मरीज मिले हे, ओमा जांजगीर-चांपा ले 353, रायपुर ले 306, रायगढ़ ले 272, दुर्ग ले 168, राजनांदगांव ले 119, बिलासपुर ले 123, कोरबा ले 165, बस्तर ले 111, कांकेर ले 148, बालोद ले 90, बेमेतरा ले 65, कवर्धा ले 73, धमतरी ले 98, बलौदबाजार ले 64, महासमुंद ले 56, गरियाबंद ले 24, मुंगेली ले 34, सरगुजा ले 57, कोरिया ले 86, सूरजपुर ले 38, बलरामपुर ले 38, जशपुर ले 36, कोंडगांव ले 72, दंतेवाड़ा ले 87, नारायणपुर ले 15 अऊ बीजापुर ले 77 मरीज शामिल हे।
बता देन कि प्रदेश म कोरोना (Corona) संक्रमित मरीज मन के संख्या ह बाढ़ के 134612 पहुंच गे हे। जेमा ले 27427 एक्टिव मामला हे। उहचे 106027 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 1158 लोगन मन के मौत हो गे हे।
