छत्तीसगढ़ म मिलिस 29 नवा कोरोना संक्रमित मरीज, प्रदेश म सक्रिय मरीज मन के संख्या होइस 184

जय जोहार…. छत्तीसगढ़ म कोरोना संक्रमित मरीज मन के संख्या ह सरलघा बाढ़त जात हे। रविवार शाम के प्रदेश म कुल 29 नवा कोरोना संक्रमित मरीज मन के पहचान होय हे। एखर जानकारी ल स्वास्थ्य विभाग ह अपन अधिकारिक ट्वीटर हैंडल ले ट्वीट कर दे हे।

आज जेन नवा मरीज मिले हे, ओमा बिलासपुर ले 18, बलरामपुर ले 5, कबीरधाम ले 3, बलौदाबाजार ले 2 अऊ कोरिया ले एक मरीज शामिल हे। ए 29 मरीज मन के मिले के संग ही प्रदेश म कुल एक्टिव मरीज मन के संख्या ह बाढ़ के 184 हो गे हे।