Corona : छत्तीसगढ़ म फेर मिलिस कोरोना के 29 नवा मरीज, ए जिला म मिले हे सबले जियादा संक्रमित
जय जोहार…. छत्तीसगढ़ म कोरोना (corona) संक्रमित मरीज मन के संख्या ह सरलघा बाढ़त जावत हे। राज्य म देर रात कोरोना के 29 नवा मरीज के पहचान होय हे। एखर संग राज्य म कुल कोरोना (corona) संक्रमण के मामले ह बाढ़ के 1240 हो गे हे। जबकि सक्रिय केस ह 884 हो गे हे। मंगलवार देर रात मिले 29 नवा मरीज म जांजगीर ले 26, सरगुजा ले 2 अऊ जशपुर ले एक मरीज शामिल हे। ऊहचे जशपुर ले चार मरीज मन ल स्वस्थ होय के बाद डिस्चार्ज कर दे गे हे।
जांजगीर जिला म एक ही दिन म 26 नवा मामले के पुष्टि होय हे। जिला के पामगढ़, अकलतरा, जैजैपुर, सक्ती, बम्हनीडीह के अलग-अलग क्षेत्र ले 19 पुरुष अऊ सात महिला मन के रिपोर्ट ह पाजिटिव मिले हे। सब्बो ल कोविड अस्पताल म भर्ती करवाय गे हे।
बता देन कि प्रदेश म अब कोरोना (corona) संक्रमित मरीज मन के संख्या ह बाढ़ के 1240 हो गे हे। जबकि एक्टिव मामले ह 884 हो गे हे। ऊहचे 351 लोगन मन ल स्वस्थ होय के बाद अस्पताल ले छुट्टी दे दे गे हे।
