Corona : छत्तीसगढ़ म मिलिस कोरोना के 29 नवा मरीज

जय जोहार…. छत्तीसगढ़ म मंगलवार के कोरोना (corona) के फेर 29 नवा संक्रमित मन के पहचान होय हे। आज जेन 29 नवा मरीज ह मिले हे, ओमा राजनांदगांव ले 12, दुर्ग ले 6, रायपुर ले 4, बलौदाबाजार ले 3, कोरिया ले 2, कोरबा अऊ रायगढ़ ले 1-1 मरीज शामिल हे।
बता देन कि प्रदेश म अब कोरोना (corona) के कुल संक्रमित मरीज मन के संख्या ह बाढ़ के 2391 हो गे हे। जबकि सक्रिय मरीज मन के संख्या ह 852 हे। ऊहचे 1527 मरीज मन ह कोरोना (corona) ल मात दे दे हे अऊ अपन घर लहुट चुके हे। प्रदेश म ए वायरस ले 12 संक्रमित मन के अब तक मौत हो गे हे।