प्रदेश म एक ही दिन म मिलिस कोरोना के 29 नवा मरीज, सक्रिय मरीज मन के संख्या ह पहुंचिस 315

जय जोहार…. प्रदेश म कोरोना ले जुड़े एक बड़का खबर सामने आवत हे। राज्य म गुरुवार के 29 नवा मामले के पहचान होय हे। एखर संग प्रदेश म कोरोना संक्रमित मरीज मन के संख्या ह बाढ़ के 315 पहुंच गे हे। कोविड-19 राज्य कंट्रोल एण्ड सेन्टर के तरफ ले जारी आकड़ा के अनुसार गुरुवार के मुंगेली ले 11, जशपुर ले 8, बिलासपुर ले 4, कांकेर ले तीन, रायगढ़ ले 2 अऊ कोरिया जिला ले एक मरीज मिले हे।

प्रदेश म अब एक्टिव कोरोना मरीज मन के कुल संख्या ह 315 हो गे हे। एमा ले एम्स रायपुर म 88 मरीज, कोविड अस्पताल माना रायपुर म 94, कोविड अस्पताल बिलासपुर म 52, मेडिकल कालेज अस्पताल अम्बिकापुर म 24, मेडिकल कालेज रायगढ़ म 19, मेडिकल कालेज राजनांदगांव म 34 अऊ मेडिकल कालेज जगदलपुर म चार मरीज ह भर्ती हे।