corona: प्रदेश म फेर कोरोना के 29 नवा मरीज के होइस पहचान

जय जोहार…. छत्तीसगढ़ म कोरोना (corona) संक्रमित मरीज मन के संख्या ह सरलघा बाढ़त हे। प्रदेश म मंगलवार के अभी तक कोरोना संक्रमित 29 नवा मरीज के पहचान होय हे।

राजधानी रायपुर म पुलिस इंस्पेक्टर के परिवार के तीन कोरोना संक्रमित पाय जाने के बाद रायगढ़, जांजगीर, सरगुजा अऊ बलरामपुर म घलो कई नवा मरीज सामने आय हे।

स्वास्थ्य विभाग ले जानकारी के अनुसार आज रायगढ़ ले 5, जांजगीर अऊर सरगुजा ले 6-6 अऊ बलरामपुर ले 9 मरीज शामिल हे।
प्रदेश म अब कोरोना (corona) ले सक्रिय मामले के संख्या ह 800 ले जियादा हो गे हे। ऊहचे कुल मरीज मन के संख्या ह 2400 ले जियादा हो गे हे।

एखर पहिली आज रायपुर म पुलिस इंस्पेक्टर के परिवार के तीन सदस्य मन ह कोरोना (corona) पाजिटिव पाय गे रहिस। जेखर बाद पूरा थाना ल सील कर दे गे हे। ऊहचे टीआई समेत सब्बो पुलिस कर्मी मन ल 14 दिन के क्वारेंटाइन म भेज दे गे हे।