corona : प्रदेस म आज मिले हे कोरोना के 290 नवा मामला, रईपुर म घलो 90 पॉजिटिव
जय जोहार… (corona) प्रदेस म आज कोरोना के 290 नवा मरीज सामने आय हे। उहें 34 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गेहे।
प्रदेस म आज जेन कोरोना (corona) के नवा मरीज मिले हे, ओमा दुर्ग ले 33, बालोद ले 2, बेमेतरा ले 1, कबीरधाम ले 1, रइपुर ले 90, धमतरी ले 2, गरियाबंद ले 2, बिलासपुर ले 52, रायगढ़ ले 37, कोरबा ले 40, जांजगीर-चांपा ले 11, कोरिया ले 3, बलरामपुर ले 1, जशपुर ले 9, बस्तर ले 1, दंतेवाड़ा ले 2 अउ दूसर राज्य ले 3 नवा मरीज सामिल हे।
बता देन कि प्रदेस म कोरोना (corona) संक्रमित मरीज मन के संख्या 10 लाख 08 हजार 756 हो गे हे, जेमा ले 1273 एक्टिव मामला हे। उहें 9 लाख 93 हजार 882 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13601 मरीज के जान चले गेहे।
