Corona: देश म पिछिले 24 घंटा म होय हे 29 हजार ले जादा नवा मरीज के पहचान, पढो पूरा खबर

जय जोहार…. देश म बीते 24 घंटा म कोरोना (corona) के 29 हजार ले जादा नवा मामला ह सामने आय हे। उहचे 40791 लोगन मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 449 लोगन मन के मौत हो गे हे।

केन्द्रीय स्वास्थ्य मंत्रालय ले जारी आंकड़ा के मुताबिक देश म पिछिले 24 घंटा म कोरोना के 29164 नवा मरीज मिले हे। एला मिला के कोरोना (corona) संक्रमित मरीज मन के संख्या ह 88 लाख 74 हजार 291 हो गे हे।

जेमा ले 4 लाख 53 हजार 401 एक्टिव मामला हे। उहचे 82 लाख 90 हजार 371 लोगन मन ह कोरोना (corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 30 हजार 519 लोगन मन के मौत हो गे हे।