corona: प्रदेस म आज सामने आय हे कोरोना के 294 नवा मरीज, पढ़व
जय जोहार…. (corona) छत्तीसगढ़ म आज कोरोना के 294 नवा मरीज सामने आय हे। उहें 581 मरीज ह कोरोना न मात दे दे हे, जेखर बाद ओ मन ल अस्पताल ले छुट्टी दे दे गे हे। जबकि इलाज के दउरान 3 मरीज के जान चले गे हे।
प्रदेस म आज जेन कोरोना (corona) के नवा मरीज मिले हे, ओमा दुर्ग ले 7, बालोद ले 1, रायपुर ले 25, धमतरी ले 11, बलौदाबाजार ले 6, महासमुंद ले 1, बिलासपुर ले 11, रायगढ़ ले 2, कोरबा ले 1, जांजगीर-चांपा ले 21, मुंगेली ले 1, सरगुजा ले 28, सूरजपुर ले 11, बलरामपुर ले 5, जशपुर ले 16, बस्तर ले 32, कोंडागांव ले 9, दंतेवाड़ा ले 18, सुकमा ले 33, कांकेर ले 11, नारायणपुर ले 9, बीजापुर ले 34 नवा मरीज सामिल हे।
बता देन कि प्रदेस म कोरोना (corona) संक्रमित मरीज मन के संख्या 9 लाख 95 हजार 489 हो गे हे, जेमा ले 5 हजार 330 एक्टिव मामला हे। उहें 9 लाख 76 हजार 706 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13453 मरीज के मउत हो गे हे।
