corona : छत्तीसगढ़ म फेर होइस कोरोना के 298 नवा मरीज के पुष्टि, 221 मरीज मन ह जीतिस कोरोना ले जंग
जय जोहार…. छत्तीसगढ़ म कोरोना (corona) संक्रमित मरीज मन के संख्या ह सरलघा बाढ़त जावत हे।
आज राज्य म कोरोना के 298 नवा मरीज के पहचान होय हे। उहचे 221 मरीज मन ल बने होय के बाद डिस्चार्ज कर दे गे हे।
जबकि इलाज के दौरान सात लोगन मन के मौत हो गे हे। आज जेन कोरोना (corona) के नवा मरीज मिले हे,
ओमा ले रायपुर ले 118, दुर्ग ले 30, बिलासपुर ले 28, कांकेर ले 26, रायगढ़ ले 17, राजनांदगांव ले 16, बलौदाबाजार अउ नारायणपुर ले 9-9, महासमुंद ले 6, सूरजपुर, जशपुर अउ सुकमा ले 5-5, जांजगीर अउ बस्तर ले 4-4 मरीज शामिल हे।
बता देन कि प्रदेश म कोरोना संक्रमित मरीज मन के कुल संख्या 11328 हो गे हे। जेमा ले 2935 एक्टिव मामला हे, जेखर मन के अलग-अलग कोविड अस्पताल म इलाज चलत हे।
उहचे 8309 मरीज मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 84 लोगन मन के मौत हो गे हे।
