पारिवारिक कहानी के संग कॉमेडी के तड़का हे ससुराल म , तीन जनवरी के रिलीज

अवैय्या तीन जनवरी के रिलीज होवैय्या छत्तीसगढ़ी फिलिम ससुराल म पारिवारिक कहानी के संगे संग कॉमेडी के तडका घलो देखे ल मिलही , छत्तीसगढ़ी सिनेमा के धुरंदर कॉमेडियन प्रदीप शर्मा के लाजवाब अभिनय ससुराल म हे , लोकप्रिय अभिनेता करन खान अऊ सोनाली सहारे , टीकम के संग प्रगती राव के जोड़ी दर्शक मन ल जरूर पसंद आही

लिख दे हंव जिनगी तोर नाव रे  गीत अभी ले लोकप्रिय होगे हे जेखर अनगिनत टिक टाक बनाय जा चुके गे हे , निर्माता सागर केशरवानी अऊ मदन कहरा ह ये फिलिम के बाद एखर सिकवल बनाही . राजधानी के प्रभात छाबिग्रह के संग छत्तीसगढ़ के जम्मो सिनेमाघर म तीन जनवरी के रिलीज होही ससुराल ह.