corona : प्रदेस म आज सामने आय हे कोरोना के 30 नवा मामला, रईपुर म घलो 2 पॉजिटिव

जय जोहार… (corona) प्रदेस म आज कोरोना के 30 नवा मरीज के पहिचान होय हे। उहें 23 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे।

प्रदेस म आज जेन कोरोना (corona) के नवा मरीज मिले हे, ओमा राजनांदगांव ले 3, रईपुर ले 2, धमतरी ले 2, महासमुंद ले 3, बिलासपुर ले 3, रायगढ़ ले 1, कोरबा ले 2, जांजगीर -चांपा ले 3, कोरिया ले 1, जशपुर ले 1, कोंडागाँव ले 2, दंतेवाड़ा ले 5, कांकेर ले 2 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 10 लाख 05 हजार 176 हो गे हे, जेमा ले 307 एक्टिव मामला हे। उहें 9 लाख 91 हजार 306 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13563 मरीज के जान चले गे हे।