corona : प्रदेस म आज सामने आय हे कोरोना के 30 नवा मामला, रईपुर म घलो 3 पॉजिटिव

जय जोहार… (corona) प्रदेस म आज कोरोना के 30 नवा मरीज के पहिचान होय हे। उहें 27 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दउरान 1 मरीज के मउत हो गेहे।

प्रदेस म आज जेन कोरोना (corona) के नवा मरीज मिले हे, ओमा दुर्ग ले 1, रईपुर ले 3, गरियाबंद ले 1, बिलासपुर ले 3, रायगढ़ ले 1, कोरबा ले 2, जांजगीर-चांपा ले 4, मुंगेली ले 3, कोरिया ले 1, बस्तर ले 2, कोंडागांव ले 5, दंतेवाड़ा ले 1, सुकमा ले 1 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 10 लाख 05 हजार 325 हो गे हे, जेमा ले 285 एक्टिव मामला हे। उहें 9 लाख 91 हजार 475 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13565 मरीज के जान चले गे हे।