Corona: छत्तीसगढ़ म मिलिस कोरोना के 304 नवा मामला, राजधानी म घलो 148 पाजिटिव

जय जोहार…. छत्तीसगढ़ म कोरोना (corona) संक्रमित मरीज मन के संख्या ह सरलघा बाढ़त जावत हे।

आज राज्य म कोरोना के 304 मरीज मन के पहचान होय हे। उहचे 208 मरीज मन ल बने होय के बाद अस्पताल ले डिस्चार्ज कर दे गे हे। जबकि तीन लोगन मन के मौत हो गे हे।

आज जेन कोरोना (corona) के नवा मरीज मिले हे, ओमा राजधानी रायपुर ले 148, दुर्ग ले 40, महासमुंद ले 20, राजनांदगांव ले 15, जांजगीर ले 12, नारायणपुर ले 11, जशपुर ले 9, बेमेतरा अउ सरगुजा ले 7-7, बिलासपुर ले 6, कोंडागांव, बीजापुर अउ सुकमा ले 4-4, गरियाबंद, बलौदाबाजार अउ रायगढ़ ले 3-3, बालोद अउ कांकेर ले 2-2, धमतरी, बलरामपुर, दंतेवाड़ा अउ आन राज्य ले 1-1 मरीज शामिल हे।

बता देन कि प्रदेश म कोरोना (corona) संक्रमित मन के कुल संख्या ह बाढ़ के 12502 हो गे हे।

जेमा ले 3386 एक्टिव मामला हे। उहचे 9017 लोगन मन ह कोराना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे।

ए वायरस ले प्रदेश म अब तक 99 लोगन मन के मौत हो गे हे।