corona: प्रदेश म फेर कोरोना के 305 नवा मरीज के होइस पुष्टि, राजधानी म सबले जादा 161 पाजिटिव

जय जोहार…. छत्तीसगढ़ म कोरोना (corona) संक्रमित मरीज मन के संख्या ह सरलघा बाढ़त जावत हे। प्रदेश म इतवार के कोरोना के 305 नवा मरीज मिले हे। उहचे 261 मरीज मन ह कोरोना ले जंग जीत गे हे, जेखर बाद ओ मन ल अलग-अलग कोविड अस्पताल ले छुट्टी दे दे गे हे। जबकि 4 लोगन मन के इलाज के दौरान मौत हो गे हे।
आज जेन कोरोना (corona) के नवा मरीज मिले हे, ओमा रायपुर ले 161, दुर्ग ले 80, बिलासपुर ले 18, बलौदाबाजार ले 16, राजनांदगांव ले 13, कांकेर ले 5, मुंगेली, सूरजपुर अउ कबीरधाम ले 2-2, बालोद, बेमेतरा, महासमुंद, सरगुजा, कोरिया अउ दंतेवाड़ा ले 1-1 मरीज शामिल हे।
बता देन कि प्रदेश में कोरोना (corona) के कुल संक्रमित मरीज मन के संख्या ह 7489 पहुंच गे हे। जेमा ले सक्रिय मामला ह 2502 हे। उहचे 4944 मरीज ह बने होय के बाद अपन घर लहुट चुके हे।