छत्तीसगढ़ म फेर मिलिस कोरोना के 31 नवा मरीज, 102 मरीज मन ह होइस डिस्चार्ज

जय जोहार…. छत्तीसगढ़ म कोरोना के मामले ह थमे के नाम नई लेवत हे। प्रदेश म मंगलवार 31 नवा मामले के पहचान होय हे। जेमा बलौदाबाजार ले 12, कोरबा ले 5, दुर्ग ले 4, राजनांदगांव अऊ नारायणपुर ले 2-2, रायपुर, कबीरधाम, कोरिया, बिलासपुर, महासमुंद अऊ बालोद ले एक-एक मरीज शामिल हे। जेखर अस्पताल म भर्ती प्रक्रिया ह चलत हे। ऊहचे राज्य के अलग-अलग कोविड अस्पताल ले आज 102 मरीज मन ल ठीक होय के बाद डिस्चार्ज कर दे गे हे।
बता देन कि प्रदेश म अब कुल संक्रमित मन के संख्या ह 1784 हो गे हे। ऊहचे कोरोना के सक्रिय मामले ह 841 हो गे हे। जबकि 934 लोगन मन ह कोरोना ले जंग जीत गे हे अऊ अपन घर लहुट चुके हे।