corona : छत्तीसगढ़ म एक दिन म मिलिस कोरोना के 31 नवा मरीज, 79 मरीज ह होइस डिस्चार्ज

जय जोहार…. छत्तीसगढ़ म शुक्रवार को कोरोना (corona) संक्रमित 31 नवा मरीज के पहचान होय हे। जबकि 79 मरीज मन ह कोरोना (corona) ले जंग जीत गे हे, जे मन ल अस्पताल ले छुट्‌टी दे दे गे हे। आज जेन जिला म नवा मरीज मिले हे, ओमा कोरबा ले 15, रायपुर ले 9, दुर्ग ले 3, बलौदाबाजार ले 2, राजनांदगांव अऊ धमतरी ले एक-एक मरीज शामिल हे।

बता देन कि छत्तीसगढ़ म अब कुल कोरोना (corona) मरीज मन के संख्या ह बाढ़ के 1429 हो गे हे। जबकि सक्रिय मरीज मन के संख्या ह 879 हे। ऊहचे ए वायरस ले 6 लोगन मन के मौत हो गे हे।

ऊहचे प्रदेश भर ले 79 मरीज मन ह कोरोना ल मात दे दे हे अऊ स्वस्थ होके अपन घर लहुट गे हे। बलौदाबाजार ले सबले जियादा 41 मरीज ह स्वस्थ होय हे। जबकि जशपुर ले 15, बेमेतरा ले 5, कोरबा अऊ मुंगेली ले 4-4, बालोद ले 3, धमतरी ले 2, गरियाबंद, महासमुंद, सरगुजा, राजनांदगांव अऊ दुर्ग ले एक-एक मरीज ह ठीक होय के बाद अपन घर लहुट गे हे।