छत्तीसगढ़ म फेर मिले हे कोरोना के 31 नवा मरीज, कुल एक्टिव केस ह बाढ़ के होइस 216

जय जोहार…. छत्तीसगढ़ म कोरोना ले जुड़े बड़का खबर आवत हे। राज्य म कोरोना संक्रमित मरीज के संख्या ह सरलघा बाढ़त जात हे। प्रदेश म आज 31 नवा मरीज के पहचान होय हे। एमा मुंगेली जिला ले 26, धमतरी ले 2, राजनांदगांव, बलरामपुर अऊ बिलासपुर ले एक-एक मरीज मिले हे। प्रदेश म अब कुल सक्रिय कोरोना संक्रमित मरीज मन के संख्या ह बाढ़ के 216 हो गे हे।

जानकारी के मुताबिक आगरा ले 40 मजदूर आय रहिस, जेला क्वारेंटाइन कर के रखे गे रहिस। ओमा ले अभी 26 मजदूर के रिपोर्ट ह पाजिटिव आय हे।