जय जोहार…. प्रदेश म पिछिले 24 घंटा कोरोना (Corona) के 3108 नवा मरीज सामने आय हे। उहचे 987 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 29 संक्रमित के मौत हो गे हे।
बीते 24 घंटा म कोरोना (Corona) के जेन नवा मरीज मिले हे, ओमा दुर्ग ले 769, रायपुर ले 728, राजनांदगांव ले 245, बेमेतरा ले 200, बिलासपुर ले 163, महासमुंद ले 119, बालोद ले 114, कोरबा ले 108, धमतरी ले 78, जांजगीर-चांपा ले 76, रायगढ़ ले 69, सरगुजा अउ सूरजपुर ले 53-53, कबीरधाम ले 51, बलौदाबाजार ले 50, कांकेर ले 47, जशपुर ले 36, गरियाबंद ले 33, मुंगेली ले 29, बस्तर ले 27, कोरिया ले 19, गौरेला-पेंड्रा-मरवाही ले 14, बलरामपुर ले 10 मरीज सामिल हे।
बता देन कि प्रदेश म कोरोना (Corona) संक्रमण के मामला ह 3 लाख 44 हजार 624 हो गे हे। जेमा ले 22057 एक्टिव मामला हे। उहचे 3 लाख 18 हजार 436 मरीज मन ह कोरोना ल मात दे दे हे, जेखर बाद ओ मन ल अस्पताल ले छुट्टी दे दे गे हे। ए वायरस ले प्रदेश म अब तक 4131 मरीज मन के मौत हो गे हे।
