Corona: छत्तीसगढ़ म फेर मिले हे कोरोना के 313 नवा मरीज, 222 मरीज मन ह दिस कोरोना ल मात

जय जोहार…. छत्तीसगढ़ म कोरोना (corona) संक्रमित मरीज मन के संख्या ह सरलघा बाढ़त जावत हे।

आज राज्य म कोरोना के 313 नवा मरीज के पहचान होय हे। उहचे 222 मरीज मन ह कोरोना ल मात दे दे हे,

जेखर बाद ओ मन ल अस्पताल ले डिस्चार्ज कर दे गे हे। जबकि 5 लोगन मन के मौत हो गे हे।

आज जेन कोरोना (corona) के नवा मरीज मिले हे, ओमा रायपुर ले 73, दुर्ग ले 47, रायगढ़ ले 28, राजनांदगांव ले 18, बिलासपुर ले 17, कोंडागांव ले 15, दंतेवाड़ा ले 14, कांकेर ले 12, नारायणपुर, जांजगीर अउ बेमेतरा ले 11-11, बलौदाबाजार ले 8, बस्तर अउ सुकमा ले 7-7, सूरजपुर, बीजापुर अउ महासमुंद ले 5-5, धमतरी, बालोद, गरियाबंद अउ मुंगेली ले 2-2, कोरिया अउ आन राज्य ले 1-1 मरीज शामिल हे।

बता देन कि राज्य म कोरोना (corona) मरीज मन के कुल संख्या ह 12938 हो गे हे। जेमा ले 3595 एक्टिव मामला हे।

उहचे 9339 लोगन मन ल बने होय के बाद अस्पताल ले डिस्चार्ज कर दे गे हे। ए वायरस ले प्रदेश म 104 लोगन मन के जान चले गे हे।