corona : देस म 24 घंटा म होय हे कोरोना के 31382 नवा मरीज के पहिचान, 318 मरीज के होगे मउत

जय जोहार…. (corona) देस म पिछले 24 घंटा म कोरोना के 31 हजार ले जादा नवा मरीज के पहिचान होय हे । उहें 32542 मरीज मन ह कोरोना ले जंग जीत गेहे, जेखर बाद ओमन ल अस्पताल ले डिस्चार्ज कर दे गे हे। जबकि उपचार के दउरान 318 मरीज के जान चले गेहे।

केंद्रीय स्वास्थ्य मंत्रालय ले जारी आकड़ा के अनुसार देस म पिछले 24 घंटा म कोरोना (corona) के 31 हजार 382 नवा मरीज मिले हे, एला मिला के देस म कोरोना संक्रमित मन के संख्या ह तीन करोड़ 35 लाख 94 हजार 803 हो गे हे। जेमा ले 3 लाख 162 एक्टिव मामला हे।

उहें (corona ) तीन करोड़ 28 लाख 48 हजार 273 मरीज ल ठीक होय के बाद अस्पताल ले डिस्चार्ज कर दे गे है। ए वायरस ले देस म अब तक 4 लाख 46 हजार 368 मरीज के मउत हो गेहे।