corona : प्रदेस म आज मिले हे कोरोना के 316 नवा मरीज, रईपुर म घलो 11 पॉजिटिव
जय जोहार…. (corona) प्रदेस म आज कोरोना के 316 नवा मामला मिले हे। उहें 562 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दउरान 4 मरीज के मउत हो गे हे।
प्रदेस म आज जेन कोरोना (corona) के नवा मरीज मिले हे, ओमा ओमा दुर्ग ले 14, राजनांदगांव ले 1, बालोद ले 3, बेमेतरा ले 4, कबीरधाम ले 1, रईपुर ले 11, धमतरी ले 17, बलौदाबाजार ले 9, महासमुंद ले 6, गरियाबंद ले 6, बिलासपुर ले 9, रायगढ़ ले 35, कोरबा ले 12, जांजगीर-चांपा ले 27, मुंगेली ले 2, गौरेला-पेंड्रा-मरवाही ले 2, सरगुजा ले 5, कोरिया ले 8, सूरजपुर ले 12, जशपुर ले 16, बस्तर ले 29, कोंडागांव ले 11, दंतेवाड़ा ले 8, सुकमा ले 24, कांकेर ले 16, नारायणपुर ले 10, बीजापुर ले 18 नवा मरीज सामिल हे।
बता देन कि प्रदेस म कोरोना (corona) संक्रमित मरीज मन के संख्या 10 लाख 169 हो गे हे, जेमा ले 3 हजार 469 एक्टिव मामला हे। उहें 9 लाख 83 हजार 200 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13500 मरीज के जान चले गे हे।
