Corona: सरलघा बाढ़त जावत हे कोरोना, प्रदेश म पिछिले 24 घंटा म बाढ़ गे 3189 नवा मामला, 22 लोगन मन के हो गे मौत

जय जोहार…. छत्तीसगढ़ म कोरोना (Corona) संक्रमित मन के संख्या ह कम होय के नाम नई लेवत हे। राज्य म बीते 24 घंटा म कोरोना के 3189 नवा मामला दर्ज करे गे हे। उहचे 689 मरीज मन ल बने होय के बाद डिस्चार्ज कर दे गे हे। जबकि इलाज के दौरान 22 मरीज मन के मौत हो गे हे।

बुधवार के जेन कोरोना (Corona) के नवा मरीज के पहचान होय हे, ओमा जिला रायपुर ले 717, राजनांदगांव ले 398, रायगढ़ ले 294, बिलासपुर ले 293, दुर्ग ले 282, जांजगीर-चांपा ले 208, बलौदाबाजार ले 106, कबीरधाम ले 96, कोरबा ले 88, कांकेर ले 80, सरगुजा ले 79, बालोद ले 78, महासमुंद ले 75, सूरजपुर ले 68, कोंडागांव ले 53, गरियाबंद ले 50, धमतरी ले 46, बेमेतरा ले 37, सुकमा ले 28, कोरिया अऊ बलरामपुर ले 26-26, नारायणपुर ले 23, गौरेला-पेण्ड्रा-मरवाही ले 21, जशपुर ले 16, मुंगेली ले 1 शामिल हे।

बता दन कि प्रदेश म कोरोना (Corona) संक्रमण के मामला ह बाढ़ के 73966 पहुंच गे हे। जेमा ले 37470 एक्टिव मामला हे। उहचे 35885 लोगन मन ह कोरोना ल मात दे दे हे, जेखर बाद ओ मन ल अस्पताल ले छुट्टी दे दे गे हे। ए वायरस ले प्रदेश म अब तक 611 लोगन मन के मौत हो गे हे।