chhattisgarh : अवइया सैक्षणिक सत्र म सुरु होही 32 उत्कृष्ट हिन्दी माध्यम विद्यालय, पढ़व

जय जोहार । छत्तीसगढ़ (chhattisgarh) सरकार डहार ले सुरु करे स्वामी आत्मानंद उत्कृष्ट अंग्रेजी माध्यम विद्यालय के लोकप्रियता ह दिना ब दिन बाढ़त जावत हे । पालक अउ जनप्रतिनिधि के सरलग मांग के सेती अब तक 171 अंग्रेजी माध्यम स्कूल ल प्रारंभ करे जा चुके हे ।

ये स्कूल जिला मुख्यालय के आलावा विकासखण्ड स्तर म प्रारंभ करे गेहे । वर्तमान म ए विद्यालय म 74,000 अंग्रेजी माध्यम अउ 60,000 हिन्दी माध्यम के विद्यार्थी मन अध्ययन करत हे । ए विद्यालय म दूनों ही माध्यम के विद्यार्थी मन ल गुणवत्ता ले युक्त सिक्षा दे जावत हे ।

हिन्दी माध्यम के छात्र, पालक अउ जनप्रतिनिधि मन ले आवत सरलग मांग ल देखत हुये छत्तीसगढ़ सरकार डहार ले ये घलो निर्णय ले गेहे कि स्वामी आत्मानंद उत्कृष्ट अंग्रेजी माध्यम विद्यालय के तर्ज म ही (chhattisgarh) हरेक जिला म कम ले कम एक स्वामी आत्मानंद उत्कृष्ट हिन्दी माध्यम विद्यालय खोले जाये, जिहां केवल हिन्दी माध्यम के ही विद्यार्थी मन बर सर्वसुविधायुक्त सिक्षा प्रदान करे के व्यवस्था होही । सैक्षणिक सत्र 2022-23 म 32 स्वामी आत्मानंद उत्कृष्ट हिन्दी माध्यम विद्यालय प्रारंभ करे जाय के योजना हे।

(chhattisgarh) स्वामी आत्मानंद उत्कृष्ट अंग्रेजी माध्यम विद्यालय योजना के तहत जेन हिन्दी माध्यम के स्कूल ल अपग्रेड करे गेहे, ओमा अध्ययनरत हिन्दी माध्यम के विद्यार्थी मन बर घलो उत्कृष्ट सिक्षा के व्यवस्था करे गेहे। रईपुर जिला के रुन्धति देवी शास. उत्कृष्ट अंग्रेजी माध्यम विद्यालय आरंग म हिन्दी माध्यम के 439 लईका मन अध्ययनरत हैं।

अइसने रायगढ़ जिला के स्वामी आत्मानंद उत्कृष्ट अंग्रेजी माध्यम विद्यालय घरघोड़ा म 558 हिन्दी माध्यम के विद्यार्थी अध्ययनरत है अउ सूरजपुर जिला के अंग्रेजी माध्यम विद्यालय भैयाथान म 428 हिन्दी माध्यम के विद्यार्थी मन अध्ययनरत हे । जेन स्कूल ल हिन्दी माध्यम ले अंग्रेजी माध्यम स्कूल म अपग्रेड करे गेहे,उहाँ के विद्यालय म आवश्यकता के अनुरूप हिन्दी अउ अंग्रेजी दूनों माध्यम बर सिक्षक के पद स्वीकृत करे गेहे ।