corona : प्रदेस म आज मिले हे कोरोना के 32 नवा मामला, रईपुर म घलो 3 पॉजिटिव

जय जोहार… (corona) प्रदेस म आज कोरोना के 32 नवा मरीज के पहिचान होय हे। उहें 16 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दउरान 1 मरीज के मउत हो गेहे।

प्रदेस म आज जेन कोरोना (corona) के नवा मरीज मिले हे, ओमा दुर्ग ले 5,रईपुर ले 3, बलौदाबाजार ले 4, बिलासपुर ले 6, कोरबा ले 2, जांजगीर-चांपा ले 3, मुंगेली ले 2, कोरिया ले 2, सूरजपुर ले 1, जशपुर ले 1, बस्तर ले 1, कांकेर ले 1 अउ दूसर राज्य ले 1 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 10 लाख 05 हजार 357 हो गे हे, जेमा ले 300 एक्टिव मामला हे। उहें 9 लाख 91 हजार 491 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13566 मरीज के जान चले गे हे।