Corona: प्रदेश म पिछिले 24 घंटा म होय हे 321 नवा मरीज पहचान, रायपुर म घलो 102 पाजिटिव

जय जोहार…. प्रदेश म बीते 24 घंटा म कोरोना (Corona) के 321 नवा मामला सामने आय हे। उहचे 152 लोगन मन ल बने होय के बाद अस्पताल ले छुट्‌टी दे दे गे हे। जबकि ए वायरस ले 9 लोगन मन के मौत हो गे हे।

बीते 24 घंटा म कोरोना (Corona) के जेन नवा मरीज मिले हे, ओमा रायपुर ले 102, दुर्ग ले 44, महासमुंद ले 35, बिलासपुर ले 33, रायगढ़ ले 25, राजानांदगांव ले 16, बलौदाबाजार ले 13, सरगुजा ले 10, कबीरधाम ले 7, बालोद ले 6, धमतरी, जांजगीर-चांपा अऊ कोरिया ले 5-5 मरीज सामिल हे।

बता देन कि प्रदेश म कोरोना (corona) संक्रमण के मामला ह बाढ़ के 2 लाख 97 हजार 429 हो गे हे। जेमा ले 5021 एक्टिव मामला हे। उहचे 2 लाख 88 हजार 764 लोगन मन ह कोरोना ल मात दे दे हे, जेखर बाद ओ मन ल अस्पताल ले छुट्‌टी दे दे गे हे। ए वायरस ले प्रदेश म अब तक 3644 लोगन मन के मौत हो गे हे।