corona : प्रदेस म आज होय हे कोरोना के 33 नवा मरीज के पहिचान, रईपुर म घलो 2 पॉजिटिव
जय जोहार… (corona) प्रदेस म आज कोरोना के 33 नवा मरीज के पहिचान होय हे। उहें 46 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। जबकि उपचार दउरान 1 मरीज के मउत होगे हे।
प्रदेस म आज जेन कोरोना (corona) के नवा मरीज मिले हे, ओमा दुर्ग ले 1, बालोद ले 1, रईपुर ले 2, बलौदाबाजार ले 5, महासमुंद ले 1, गरियाबंद ले 1, बिलासपुर ले 1, रायगढ़ ले 4, कोरबा ले 5, जांजगीर-चांपा ले 3, सरगुजा ले 1, कोरिया ले 2, बलरामपुर ले 1, जशपुर ले 1, दंतेवाड़ा ले 2, सुकमा ले 1, कांकेर ले 1 नवा मरीज सामिल हे।
बता देन कि प्रदेस म कोरोना (corona) संक्रमित मरीज मन के संख्या 10 लाख 04 हजार 668 हो गे हे, जेमा ले 354 एक्टिव मामला हे। उहें 9 लाख 90 हजार 757 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13557 मरीज के जान चले गे हे।
