Corona: प्रदेश म बीते 24 घंटा म सामने आय हे 330 नवा मामला, रायपुर म घलो 134 पाजिटिव

जय जोहार…. प्रदेश म बीते 24 घंटा म कोरोना (Corona) के 330 नवा मरीज के पहचान होय हे। उहचे 276 संक्रमित मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 5 मरीज के मौत हो गे हे।

बीते 24 घंटा म कोरोना (Corona) के जेन नवा मरीज मिले हे, ओमा रायपुर ले 134, दुर्ग ले 38, जांजगीर-चांपा ले 18, बलौदाबाजार अऊ सूरजपुर ले 16-16, बिलासपुर एवं कोरिया ले 15-15, रायगढ़ ले 13, महासमुंद ले 11, कोरिया अऊ धमतरी ले 9-9, सरगुजा ले 8, बालोद अऊ गरियाबंद ले 6-6 मरीज सामिल हे।

बता देन कि प्रदेश म कोरोना (Corona) संक्रमण के मामला हे बाढ़ के 3 लाख 06 हजार 019 हो गे हे। जेमा ले 4173 एक्टिव मामला हे। उहचे 2 लाख 98 हजार 135 लोगन मन ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 3711 मरीज मन के मौत हो गे हे।