corona: प्रदेस म आज सामने आय हे कोरोना के 3318 नवा मरीज, 10 संक्रमित के होगे मउत

जय जोहार… (corona) प्रदेस म आज कोरोना के 3318 नवा मरीज सामने आय हे। उहें 4382 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गेहे। जबकि उपचार के दउरान 10 मरीज के मउत हो गेहे।

प्रदेस म आज जेन कोरोना (corona) के नवा मरीज मिले हे, ओमा दुर्ग ले 413, राजनांदगांव ले 133, बालोद ले 19, बेमेतरा ले 20, कबीरधाम ले 32, रईपुर ले 1050, धमतरी ले 118, बलौदाबाजार ले 46, महासमुंद ले 51, गरियाबंद ले 26, बिलासपुर ले 166, रायगढ़ ले 133, कोरबा ले 124, जांजगीर-चांपा ले 206, मुंगेली ले 7, गौरेला-पेंड्रा-मरवाही ले 8, सरगुजा ले 157, कोरिया ले 50, सूरजपुर ले 114, बलरामपुर ले 6, जशपुर ले 146, बस्तर ले 57, कोंडागांव ले 4, दंतेवाड़ा ले 19, सुकमा ले 15, कांकेर ले 158, नारायणपुर ले 21, बीजापुर ले 19 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 11 लाख 08 हजार 450 होगे हे, जेमा ले 29180 एक्टिव मामला हे। उहें 10 लाख 65 हजार 491 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13779 मरीज के जान चले गेहे।