जय जोहार…. प्रदेश म बीते 24 घंटा म कोरोना (Corona) के 336 नवा मरीज के पहचान होय हे। उहचे 263 संक्रमित मन ल बने होय के बाद अस्पताल ले डिस्चार्ज कर दे गे हे। जबकि 8 संक्रमित के मौत हो गे हे।
पिछिले 24 घंटा म जेन कोरोना (Corona) के नवा मरीज मिले हे, ओमा रायपुर ले 135, दुर्ग ले 47, रायगढ़ ले 23, बिलासपुर ले 17, सूरजपुर ले 15, महासमुंद ले 14, कोरबा ले 13, धमतरी ले 11, राजनांदगांव ले 8, गरियाबंद अऊ बस्तर ले 7-7, बलौदाबाजार अऊ जशपुर ले 6-6, बालोद ले 5, बेमेतरा, जांजगीर-चांपा अऊ सरगुजा ले 4-4 मरीज सामिल हे।
बता देन कि प्रदेश म कोरोना (Corona) संक्रमित मन के संख्या ह 3 लाख 07 हजार 079 हो गे हे। जेमा ले 4360 एक्टिव मामला हे। उहचे 2 लाख 98 हजार 987 लोगन मन ह कोरोना ले जंग जीत गे हे, जेखर बाद ओ मन ल अस्पताल ले छुट्टी दे दे गे हे। ए वायरस ले प्रदेश म अब तक 3732 मरीज मन के मौत हो गे हे।
No Comment! Be the first one.