corona : छत्तीसगढ़ म फेर मिलिस कोरोना के 34 नवा मरीज, राजधानी म 8 नवा कोरोना पाजिटिव

जय जोहार…. छत्तीसगढ़ म कोरोना (corona) संक्रमित मरीज मन के संख्या ह कम होय के नाम नई लेवत हे। राज्य म अभी-अभी कोरोना के 34 नवा मरीज के पुष्टि होय हे। एखर पुष्टि ल रायपुर एम्स ह करे हे। एखर पहिले आज 17 नवा मरीज मिले रहिस। एखर संग प्रदेश म एक ही दिन म 51 कोरोना (corona) पाजिटिव सामने आय हे।

आज जेन 34 कोरोना के नवा मरीज मिले हे, ओमा राजधानी ले 8, महासमुंद ले 7, रायगढ़ ले 7,  बिलासपुर ले 4, राजनांदगांव ले 3, मुंगेली ले 2 अऊ अंबिकापुर ले एक मरीज शामिल हे। पाजिटिव पाय गे सब्बो लोगन मन ल अस्पताल म भर्ती करे के प्रक्रिया ह जारी हे।

प्रदेश म कोरोना (corona) संक्रमित मरीज मन के संख्या ह 1300 हो गे हे। जबकि सक्रिय मामले के संख्या ह 885 हे। ऊहचे 401 मरीज मन ह स्वस्थ होय के बाद अपन घर लहुट चुके हे।