कटघोरा-मुंगेली-कवर्धा ले होके डोंगरगढ़ तक रेल लाइन के संयुक्त भागीदारी अनुबंध पत्र म घलो हस्ताक्षर
कोरबा। मुख्यमंत्री रमन सिंह अउ रेल मंत्री पीयूष गोयल ह अटल विकास यात्रा के दउरान कोरबा जिला के हरदीबाजार म लगभग नौ हजार 952 करोड़ रुपिया के लागत के 345.5 किलोमीटर लंबा चार नवा रेल लाइन परियोजना मन के शिलान्यास करिन हे। इहीं दउरान कटघोरा-मुंगेली-कवर्धा ले होके डोंगरगढ़ तक लगभग पांच हजार 950 करोड़ रुपिया के लागत ले 255 किलोमीटर स्वीकृत नवा रेल लाइन परियोजना बर संयुक्त भागीदारी अनुबंध पत्र म हस्ताक्षर घलो होइस। सीएम रमन अउ रेल मंत्री ह राज्य शासन के विभिन्न जनहितकारी योजना मन के तहत लगभग तीन हजार हितग्राही मन ल सामग्री मन के वितरन घलो करिन।
मुख्यमंत्री अउ रेल मंत्री गोयल ईस्ट-वेस्ट रेल कॉरिडोर परियोजना म गेवरा रोड ले पेंड्रा रोड तक चार हजार 970 करोड़ रुपए के लागत ले 135.3 किलोमीटर नवा रेल लाईन के शिलान्यास करिन। ये परियोजना के तहत नौ नवा रेलवे स्टेशन बनाय जाही। इही तरह कार्यक्रम म खरसिया ले धरमजयगढ़ तक 131 किलोमीटर के रेल लाइन के घलो शिलान्यास होइस। ये रेल लाइन ईस्ट रेल कारीडोर के प्रथम चरन के हिस्सा हे ।अउ येखर लागत तीन हजार 055 करोड़ रुपिया हे। एती मुख्यमंत्री रमन सिंह अउ केंद्रीय रेल मंत्री पीयूष गोयल ह वीडियो कॉन्फ्रेंसिंग के माध्यम ले हरदीबाजार ले ही कोरिया जिला के चिरमिरी ले नागपुर रोड हाल्ट तक 17 किलोमीटर के नवा रेल लाइन के घलो शिलान्यास करे गिस हे।
Other Articles
No Comment! Be the first one.